Xabaringiz bor, Qarshining "Nasaf" jamoasi ertaga OFK kubogi 2-turida Tojikistonning “Xo‘jand” klubi bilan bellashadi. Bugun ushbu uchrashuv oldidan har ikkala jamoa bosh murabbiylari hamda futbolchilar ishtirokida matbuot anjumani tashkil etildi. Anjumanda jamoamiz bosh murabbiyi Ro‘ziqul Berdiyev hamda yarim himoyachimiz Sherzod Nasrullayevlar ishtirok etishdi. Mazkur bellashuv oldidan qarshiliklar ustozi quyidagi fikrlarni aytib o‘tdi
- “Assalomu alaykum barchaga. “Xo‘jand” jamoasini yaxshi bilamiz. Ular ishtirokidagi o‘yinlarni ko‘rdik, o‘rgandik. Jamoa o‘z chempionatining yetakchilaridan biri. Ertaga kerakli natijaga erishishmiz uchun o‘zimizning eng yaxshi o‘yinimizni ko‘rsatishimiz kerak bo‘ladi. Futbolchilarim ertangi o‘yinga tayyor. O‘ylaymanki ertaga ijobiy natija va ajoyib futbol uchrashuviga guvoh bo‘lamiz. Hozir pandemiya bo'lgani uchun musobaqa markazlashgan holda o'tkazilmoqda. Bu OFK qarori. Bunga ko'nikish kerak, OCHL bahslari ham shunday o'tdi. Oldin uy-safar tizimida bo'lardi o'yinlar” – deb o‘z fikrlari bilan bo‘lishdi Ro‘ziqul Berdiyev.
