Хабарингиз бор, Қаршининг "Насаф" жамоаси эртага ОФК кубоги 2-турида Тожикистоннинг “Хўжанд” клуби билан беллашади. Бугун ушбу учрашув олдидан ҳар иккала жамоа бош мураббийлари ҳамда футболчилар иштирокида матбуот анжумани ташкил этилди. Aнжуманда жамоамиз бош мураббийи Рўзиқул Бердиев ҳамда ярим ҳимоячимиз Шерзод Насруллаевлар иштирок этишди. Мазкур беллашув олдидан қаршиликлар устози қуйидаги фикрларни айтиб ўтди

- “Aссалому алайкум барчага. “Хўжанд” жамоасини яхши биламиз. Улар иштирокидаги ўйинларни кўрдик, ўргандик. Жамоа ўз чемпионатининг етакчиларидан бири. Эртага керакли натижага эришишмиз учун ўзимизнинг энг яхши ўйинимизни кўрсатишимиз керак бўлади. Футболчиларим эртанги ўйинга тайёр. Ўйлайманки эртага ижобий натижа ва ажойиб футбол учрашувига гувоҳ бўламиз. Ҳозир пандемия бўлгани учун мусобақа марказлашган ҳолда ўтказилмоқда. Бу ОФК қарори. Бунга кўникиш керак, ОЧЛ баҳслари ҳам шундай ўтди. Олдин уй-сафар тизимида бўларди ўйинлар” – деб ўз фикрлари билан бўлишди Рўзиқул Бердиев.