Ispaniya chempionatining 37-turi doirasida «Real» mehmonda maydonida «Atletik Bilbao»ga qarshi bahs olib bordi.
«San Mames» o‘yin gohida kechgan bahs, mehmonlarning 1:0 hisobidagi minimal g‘alabasi bilan yakunlandi. Uchrashuv taqdirini hal etgan yagona gol 68 daqiqada Nacho hisobiga yozildi.
Shu tariqa «Qirollik klubi» ochkolari sonini 81taga yetkazib, turnir jadvalida ikkinchi o‘ringa mustahkam joylashdi va g‘oliblik uchun kurashni davom ettiradigan bo‘ldi. Bugun mag‘lub bo‘lgan «Atletik» esa 46 ochko bilan oltinchi pog‘onani band etgan.
«Atletik» – «Real Madrid» 0:1(0:0,0:1) «San Mames»
Gol: 0:1 – 68 Nacho.
«Atletik» – Unai Simon, Martines, Balensiaga, De Markos, Yeray Alvares, Sanset (Unai Lopes, 72), Vensedor (Ibai Gomes, 73), Berenger, Dani Garsiya (Vesga, 65), Morsilyo (Raul Garsiya, 65), Uilyams (Vilyalibre, 65).
«Real Madrid» – Kurtua, Odriosola, Militao, Nacho, Migel Gutyerres, Valverde, Modrich, Rodrigo (Azar, 77), Kazemiro, Vinisius Junior (Asensio, 59), Benzema.
Ogohlantirishlar: Berenger (14), Raul Garsiya (79), Martines (80), Nacho (82).
Chetlatish: Raul Garsiya (89).
