Испания чемпионатининг 37-тури доирасида «Реал» меҳмонда майдонида «Атлетик Бильбао»га қарши баҳс олиб борди.

«Сан Мамес» ўйин гоҳида кечган баҳс, меҳмонларнинг 1:0 ҳисобидаги минимал ғалабаси билан якунланди. Учрашув тақдирини ҳал этган ягона гол 68 дақиқада Начо ҳисобига ёзилди.

Шу тариқа «Қироллик клуби» очколари сонини 81тага етказиб, турнир жадвалида иккинчи ўринга мустаҳкам жойлашди ва ғолиблик учун курашни давом эттирадиган бўлди. Бугун мағлуб бўлган «Атлетик» эса 46 очко билан олтинчи поғонани банд этган.

«Атлетик» – «Реал Мадрид» 0:1(0:0,0:1) «Сан Мамес»

Гол: 0:1 – 68 Начо.

«Атлетик» – Унаи Симон, Мартинес, Баленсиага, Де Маркос, Йерай Альварес, Сансет (Унаи Лопес, 72), Венседор (Ибаи Гомес, 73), Беренгер, Дани Гарсия (Весга, 65), Морсильо (Рауль Гарсия, 65), Уильямс (Вильялибре, 65).

«Реал Мадрид» – Куртуа, Одриосола, Милитао, Начо, Мигель Гутьеррес, Вальверде, Модрич, Родриго (Азар, 77), Каземиро, Винисиус Жуниор (Асенсио, 59), Бензема.

Огоҳлантиришлар: Беренгер (14), Рауль Гарсия (79), Мартинес (80), Начо (82).

Четлатиш: Рауль Гарсия (89).