«Manchester Siti» yarimhimoyachisi Riyad Mahrez o‘zining kelajagi haqida gapirdi.
Faoliyatining oxirigacha u klubini o‘zgartirmoqchi emas. Mahrez Manchesterda qolishni istaydi va bu yerda bir necha yildan so‘ng futbol bilan xayrlashmoqchi.
«Mening kelajagim? «Manchester Siti»da o‘zimni juda yaxshi his qilyapman. Boshqa joyda o‘ynashni xohlamayman. Hali qanday vaziyatga tushishimni ham bilmayman. Ammo men ushbu klubda baxtliman va shu yerda qolishni istayman.
Yo‘q, men "Marsel"dagi davrlarimga qaytishni o‘ylamayapman. Men hozirgi jamoamda qolishni istayman. «Manchester Siti»da o‘ynab, faoliyatimni shu yerda yakunlamoqchiman», - deydi Mahrez.
