«Манчестер Сити» яримҳимоячиси Рияд Маҳрез ўзининг келажаги ҳақида гапирди.

Фаолиятининг охиригача у клубини ўзгартирмоқчи эмас. Маҳрез Манчестерда қолишни истайди ва бу ерда бир неча йилдан сўнг футбол билан хайрлашмоқчи.

«Менинг келажагим?  «Манчестер Сити»да ўзимни жуда яхши ҳис қиляпман. Бошқа жойда ўйнашни хоҳламайман. Ҳали қандай вазиятга тушишимни ҳам билмайман. Аммо мен ушбу клубда бахтлиман ва шу ерда қолишни истайман.

Йўқ, мен "Марсел"даги даврларимга қайтишни ўйламаяпман. Мен ҳозирги жамоамда қолишни истайман.  «Манчестер Сити»да ўйнаб, фаолиятимни шу ерда якунламоқчиман», - дейди Маҳрез.