Myunxenning «Bavariya» klubi Sancho uchun «Manchester Yunayted» bilan raqobatlashadi. ESPN xabariga ko‘ra, Dortmundning «Borussiya» klubi vingeri Jeydon Sancho yozda klubini o‘zgartirishi mumkin.
21 yoshli ingliz futbolchisi uchun kurashda «Manchester Yunayted» bilan «Bavariya» raqobatlashib ko‘radi.
E’tiborlisi, umumiy inqirozga qaramay, «Borussiya» Sanchoni 90 million yevrodan kamiga sotmoqchi emas. Futbolchining klub bilan shartnomasi 2022 yilning yozida yakuniga etadi.
Joriy mavsum Sanchoda Bundesliganing 25 uchrashuvida 8 ta gol va 11 ta golli pas bor.
