Italiya A seriyasining so‘nggi, 38-turida «Jenoa» 22 may, shanba kuni «Kalyari» maydoniga safar qildi.

Uchrashuv taqdirini hal qilib bergan yagona gol 15-daqiqada «Jenoa»ning o‘zbekistonlik hujumchisi Eldor Shomurodov tomonidan kiritildi. Hamyurtimiz darvozabon bilan yakkama-yakka vaziyatga chiqib, to‘pni uning ustidan oshirgancha darvozani ishg‘ol qildi. Bu Shomurodovning A Seriya 2020/21 yilgi mavsumidagi 8-goli bo‘ldi. Eldor mazkur bahsda 86-daqiqada zaxiraga olindi.

Ikkinchi bo‘limning 83-daqiqasida genuyaliklar bir kishi kam bo‘lib qolganiga qaramay, yakunda g‘alabani saqlab qola oladi. Shu tariqa, «Jenoa» 42 ochko bilan hozircha 11-o‘ringa ko‘tarilib oldi. So‘nggi turning qolgan o‘yinlari 23 may sanasida o‘tkaziladi.

A seriya, 38-tur bahsi
22 may, shanba
«Kalyari» — «Jenoa» 0:1
Gol: 0:1 – 15 Shomurodov.
«Kalyari»: Kranyo, Klavan, Karboni, Rugani, Likoyannis (Sottil, 80), Marin, Nandes (Zappa, 46), Nainggolan (Dankan, 10), Deyola (Pereyro, 69), Joao Pedro, Cherri (Simeone, 69).
«Jenoa»: Paleari, Goldaniga, Masyello (Behrami, 46), Sapata, Zappakosta (Krishito, 90), Rovella, Strotman, Melegoni, Pyasa (Kallon, 46), Pandev (Zays, 57), Shomurodov (Radovanovich, 86).
Ogohlantirishlar: Behrami (51), Melegoni (64), Karboni (77).
Chetlatish: Behrami (83).