«Barcelona» bosh murabbiyi Ronald Kumanning taqdiri kun oxirigacha hal qilinishi kerak. RAC1 xabariga ko‘ra, ceshanba kuni niderlandiyalik murabbiy va uning agenti klub prezidenti Xuan Laporta va bosh ijrochi direktor Rafa Yuste bilan uchrashishadi.

Manbaning ta’kidlashicha, Kuman bo‘yicha yakuniy qaror har qanday narsa bo‘lishi mumkin. Ya’ni unga ishonch bildirishdan tortib, ishdan bo‘shatishgacha.

Eslatib o‘tamiz, Ronald Kuman o‘tgan yili, Xosep Bartomeu prezidentligi davrida «Barselona» boshqaruviga kelgan edi.

Kataloniyaliklar Ispaniya chempionatini uchinchi o‘rinda yakunladilar va Chempionlar Ligasidagi yurishlarini 1/8 finalda yakunladilar. Shu bilan birga ular Ispaniya kubogiga ega chiqdilar.