«Barcelona» prezidenti Xuan Laporta hujumchi Lionel Messining shartnomasi bilan bog‘liq vaziyat haqida gapirdi.
«Messining shartnomasi bilan bog‘liq vaziyat yaxshi rivojlanmoqda, ammo u hali imzolanmagan. Bizning munosabatlarimiz yaxshi. Leo qolishi uchun biz bor imkoniyatimizni ishga solmoqdamiz.
Biz «Barsa»ning imkoniyat darajasida taklif qildik. Albatta, Leo juda ko‘p narsalarga loyiqdir. Ammo u bizning harakatlarimizni chinakamiga qadrlaydi deb o‘ylayman va bu yerda «Barsa»ni yanada buyuk qilish istagi bilan o‘ynashni davom ettirishdan mamnun bo‘ladi.
Gap pul haqida emas, balki hamma sovrinni yutib olish qobiliyatiga ega loyiha haqida ketmoqda. Biz ehtiyotkor va optimist bo‘lamiz», - dedi Laporta.
