Londonning «Chelsi» klubi yarim himoyachi Eduardu Kamavingani o‘z safiga qo‘shib olish imkoniyatini muhokama qilish uchun Madridning «Real» klubi bilan bog‘landi. Bu haqda El Nacional xabar bermoqda.
Manbaga ko‘ra, 23 yoshli futbolchining transferiga «Chelsi» bosh murabbiyi Xabi Alonso shaxsan qiziqish bildirmoqda. Transfermarkt portali futbolchini 50 million yevroga baholamoqda, biroq ispan klubi 80 million yevrolik taklifni ko‘rib chiqishga tayyor. Transfer bo‘yicha yakuniy qaror yarim himoyachining o‘ziga bog‘liq bo‘ladi.
2025/2026 yilgi mavsumda Kamavinga barcha musobaqalarda 43 ta o‘yinda maydonga tushib, 2 ta gol urdi va 1 ta golli uzatmani amalga oshirdi. Uning madridliklar bilan amaldagi shartnomasi 2029 yilning 30 iyuniga qadar mo‘ljallangan.
