Massimiliano Allegri «byankoneri»ga qaytarilsa Krishtianu Ronaldu «Yuventus»ni tark etishi haqida oldinroq xabar bergan edik.
Manbalarga ko‘ra, Ronaldu va Allegri o‘rtasida qora mushuk ancha oldin o‘tib bo‘lgan. Krishtianu Allegri va Andrea Anyelli o‘rtasidagi suhbatni yaxshi biladi. Massimiliano Anyelliga ochiqchasiga Ronaldu «jamoa va klubning rivojlanishiga xalaqit beradi va biz undan qutulishimiz kerak» deb aytgan.
Xabaringiz bor, o‘z vaqtida Allegri «Yuve»ni ikki marta Chempionlar Ligasi finaliga olib chiqqan. Ronaldu safda bo‘lganida, turinliklar hech qachon Chempionlar Ligasi yarimfinaliga ham chiqa olmagan.
