Shubhasiz Chempionlar ligasidagi g‘oliblikning asosiy sababchisi Tomas Tuxel.

Biroq, ko‘pchilik Frenk Lempardning rolini unutib qo‘ymoqda. 2020 yil boshi og‘ir pandemiyadan klubni aynan u olib chiqdi. Hali muammo nimaligini bilmagan Liverpul, Tottenxemlar ishtrokidagi mavsumda to‘rtlikka olib kirdi va CHL yo‘llanmasini oldi. Eng muhimi u aniq bir reja va loyiha bilan ishladi. Unga asosan klubga darvozabon Eduard Mendi chaqirildi. Hujum yoshartirildi. Verner hamda Xaverts keldi. Mutloq lider Azarning ketishi amortizasiya qilindi, ta’siri kamaytirildi. Meyson Maunt kashf qilindi va asosiy tarkibga moslashtirildi. Jamoani konkret maqsadli holatga keltirdi.

Ammo keyinchalik ma’lum bo‘ldiki g‘oyalar generatori bo‘lish Frenkka kamlik qiladi. Klubda har kungi qora mehnat va kollektivni boshqarish mahorati ham natijaga ta’sir qiladi. Qolaversa muhim o‘yinlarda to‘g‘ri taktika belgilash bo‘yicha amaliyot yetishmadi. Shu joylarini Lempard torta olmadi. Chelsida esa rahbariyat siyosati keskin, bilasiz. Aynan qora mehnat va davomli turnirlarda mayda detallarigacha ishni yo‘lga qo‘ya oladigan, pedantik mutaxassis Tomas Tuxel olib kelindi. Lemparddan unga yaxshi loyiha qoldi. Tuxel esa uni yurgaza oldi. Abramovich haq bo‘lib chiqdi.

Shu mavsumning ham yarmigacha mehnat qilgan Frenk Lempardga kechagi oltin medallardan birini topshirish adolatdan bo‘ladi.