Шубҳасиз Чемпионлар лигасидаги ғолибликнинг асосий сабабчиси Томас Тухель.

Бироқ, кўпчилик Фрэнк Лэмпарднинг ролини унутиб қўймоқда. 2020 йил боши оғир пандемиядан клубни айнан у олиб чиқди. Ҳали муаммо нималигини билмаган Ливерпуль, Тоттенхэмлар иштрокидаги мавсумда тўртликка олиб кирди ва ЧЛ йўлланмасини олди. Энг муҳими у аниқ бир режа ва лойиҳа билан ишлади. Унга асосан клубга дарвозабон Эдуард Менди чақирилди. Ҳужум ёшартирилди. Вернер ҳамда Хавертс келди. Мутлоқ лидер Азарнинг кетиши амортизация қилинди, таъсири камайтирилди. Мейсон Маунт кашф қилинди ва асосий таркибга мослаштирилди. Жамоани конкрет мақсадли ҳолатга келтирди.

Аммо кейинчалик маълум бўлдики ғоялар генератори бўлиш Фрэнкка камлик қилади. Клубда ҳар кунги қора меҳнат ва коллективни бошқариш маҳорати ҳам натижага таъсир қилади. Қолаверса муҳим ўйинларда тўғри тактика белгилаш бўйича амалиёт етишмади. Шу жойларини Лэмпард торта олмади. Челсида эса раҳбарият сиёсати кескин, биласиз. Айнан қора меҳнат ва давомли турнирларда майда деталларигача ишни йўлга қўя оладиган, педантик мутахассис Томас Тухель олиб келинди. Лэмпарддан унга яхши лойиҳа қолди. Тухель эса уни юргаза олди. Абрамович ҳақ бўлиб чиқди.

Шу мавсумнинг ҳам ярмигача меҳнат қилган Фрэнк Лемпардга кечаги олтин медаллардан бирини топшириш адолатдан бўлади.