“Manchester Yunayted” bosh murabbiyi Ule-Gunnar Sulsher Yevropa Ligasi finalida o‘z shogirdlari darvozasini ishg‘ol qilgan “Vilyarreal” hujumchisi Jerar Morenoni Manchesterga taklif qilmoqda.
Jerar Moreno yakunlangan mavsumda xalqaro maydonda ham ichki chempionatda ham muvaffaqiyatli to‘p surdi. Ayni paytda uning xaridorlari kun sayin ko‘payib bormoqda.
Yevropa Ligasi finalidagi mag‘lubiyatga qaramay, Manchester klubi rahbariyati Sulsherga ishonishda davom etmoqda va unga yozda jamoani kuchaytirish uchun mablag‘ ajratishga ham tayyor.
“Manchester Yunayted” 29 yoshli futbolchini transferi o‘ta qimmat hisoblangan Harri Keyn va Erling Xolandga o‘rinbosar sifatida topgan. Jerarning “Vilyarreal” bilan yana ikki yillik shartnomasi bor va uning transferi 40 million yevroga baholanmoqda.
