"Yuventus" hujumchisi Krishtianu Ronaldu Turin klubining yangi bosh murabbiyi Massimiliano Allegri bilan uchrashdi, deb xabar beradi ESPN.
Manbaning xabariga ko‘ra, uchrashuvda forvardning jamoadagi kelajagi muhokama qilingan. Shu bilan birga, Ronalduning agenti hanuzgacha unga boshqa klublarda variantlarni izlamoqda.
O‘tgan mavsum 36 yoshli Ronaldu "Yuventus" tarkibida barcha turnirlarda 44 uchrashuv o‘tkazdi, 36 gol urdi va to‘rtta golli pas berdi. Uning klub bilan shartnomasi 2022-yilning yozigacha amal qiladi.
