Italiya bosh murabbiyi Roberto Manchini Yevro-2020 ochilish o‘yinida (3:0) Turkiyani mag‘lubiyatga uchratganidan so‘ng o‘z taassurotlari bilan o‘rtoqlashdi.
«Biz yaxshi o‘yin namoyish etdik. Birinchi bo‘limda gol ura olmadik, bu oson bo‘lmadi, chunki bu ochilish uchrashuvi edi va Turkiya juda yaxshi o‘yin ko‘rsatdi.
Bunday o‘yinlarda sizga hamma narsa kerak. Tribunalardagi qo‘llab-quvvatlashlar bizga yordam berdi deb o‘ylayman. Bizning jamoa juda yaxshi o‘ynadi.
Musobaqani yaxshi boshlash muhim edi, biz muxlislarimiz va barcha italiyaliklarni xursad qilishni xohlagandik va amalda buni uddalaganimizdan xursandmiz.
Uchrashuv ajoyib bo‘lib o‘tdi va umid qilamanki, biz uzoqroqqacha bora olamiz. Finalmi? Hali uzoqroq. Oldinda oltita uchrashuv bor», - dedi Manchini.
