Италия бош мураббийи Роберто Манчини Евро-2020 очилиш ўйинида (3:0) Туркияни мағлубиятга учратганидан сўнг ўз таассуротлари билан ўртоқлашди.

«Биз яхши ўйин намойиш этдик. Биринчи бўлимда гол ура олмадик, бу осон бўлмади, чунки бу очилиш учрашуви эди ва Туркия жуда яхши ўйин кўрсатди.

Бундай ўйинларда сизга ҳамма нарса керак. Трибуналардаги қўллаб-қувватлашлар бизга ёрдам берди деб ўйлайман. Бизнинг жамоа жуда яхши ўйнади.

Мусобақани яхши бошлаш муҳим эди, биз мухлисларимиз ва барча италияликларни хурсад қилишни хоҳлагандик ва амалда буни уддалаганимиздан хурсандмиз.

Учрашув ажойиб бўлиб ўтди ва умид қиламанки, биз узоқроққача бора оламиз. Финалми? Ҳали узоқроқ. Олдинда олтита учрашув бор», - деди Манчини.