20-27 iyun kunlari Qoraqalpog‘istonning Nukus shahrida yoshlar o‘rtasida O‘zbekiston kubogi o‘tkaziladi.
Mazkur musobaqa mezbonligini Nukusga topshirish orqali yurtimizda sevimli sport turlaridan biri bo‘lgan boksni yanada targ‘ib qilish, chekka hududlarga ham ushbu sport turi bo‘yicha yirik musobaqalar havosini olib kirish ko‘zda tutilgan.
Musobaqada yurtimizning turli hududlaridan 300 nafardan ortiq sportchi sovrinli o‘rinlar uchun kurash olib borishadi. Qayd etish lozimki, bunday musobaqa Nukus shahrida ilk marotaba o‘tkazilmoqda. Bahslar 2003-2004 yillarda tug‘ilgan bokschilar o‘rtasida tashkil etiladi.