Superliga doirasida "Qizilqum" (2:0)dan uchralgan mag‘lubiyatdan keyin "Mash’al" bosh murabbiyi Aleksandr Xomyakov o‘z fikrlarini bildirdi.

— Albatta, mag‘lubiyatdan xafamiz. Birinchi bo‘limning o‘zidayoq ikki gol o‘tkazib yuborishimizni kutmagandim. Gollarni o‘z xatolarimizdan keyin qo‘yib yubordik. Samuelning o‘zida uch vaziyat bo‘ldi. Natijaga o‘ynash va yaxshi o‘ynashning farqi bor. Ammo tablodagi hisob bizga albatta to‘g‘ri kelmadi. Tartibli, intizomli o‘yin ko‘rsatmas ekanmiz shunday bo‘laveradi. "Qizilqum"ni navbatdagi g‘alaba bilan tabriklayman va navbatdagi o‘yinlarda omad tilayman.

— Jamoaga nima yetishmadi?
— Nima yetishmadi? Biz himoyada tartibli o‘ynay olmadik. "Qizilqum" nima qildi? Jarima zarbasi va penaltidan gol urdi. Biz esa himoyada qattiqqo‘l bo‘la olmadik.

— Hujumchilarda-chi?
— Gol urish. Bu bizga xalaqit qilmoqda. Bu borada ishlashimiz kerak. Xo‘p, hujumchilar gol ura olmayotgan ekan himoyachilar yaxshi o‘ynashi kerakku. Bu durang degani. Gol o‘tkazdingmi, qahramonlarcha o‘ynash kerak. "Qizilqum" esa qarshi hujumda ushlashga harakat qildi. Mavsum davomida faqatgina bir yoki ikki o‘yinda hujum evaziga yutish mumkin. Qolgan o‘yinlarda esa himoya turib berishi kerak. Himoya — jamoaning poydevori hisoblanadi. Bu borada ko‘p ishlash kerak.