«Барселона» клуби ва Аргентина терма жамоаси футболчиси Лео Месси ўз мамлакатида ўз номида вино ишлаб чиқаришга аҳд қилди.
Аргентинада машҳур винолари билан машҳур бўлган Мендоса шаҳридаги вино ишлаб чиқаришга ихтисослашган бир фирма “Месси фонди” билан ҳамкорликда «Leo» номли янги вино турини ишлаб чиқариш борасида келишиб олишди. Ушбу янги маҳсулот шу йилнинг апрел ойидан бошлаб сотувга чиқарилади. «Leo» виносидан тушган маблағ «Месси фонди»га тушади, бу пуллар эса кам таъминланган оилалар фарзандларининг саломатлиги ва таълим олишлари учун сарфланади.
