«Spartak» klubining yangi bosh murabbiyi Rui Vitoriya O‘zbekiston terma jamoasi yarim himoyachisi Oston O‘runov haqida o‘z fikrlari bilan o‘rtoqlashdi.
Bu haqida «sport-express.ru» sayti xabar bermoqda.
«Oston mavsum davomida juda ko‘p marta jamoaviy mashg‘ulotlarda qatnashmadi, chunki bizda ko‘plab futbolchilar bor. Avvalo, men jamoada yosh va boshqa klublardan ijaradan qaytgan futbolchilarni ko‘rishni xohlardim», - deydi Vitoriya.
20 yoshli futbolchining «Spartak» bilan shartnomasi 2025 yilgacha mo‘ljallangan. O‘tgan mavsumda Oston «Ufa» safida 10 uchrashuv (1 golli pas), moskvaliklar safida esa 9 uchrashuv (1 gol) o‘tkazgan.
