«Спартак» клубининг янги бош мураббийи Руи Витория Ўзбекистон терма жамоаси ярим ҳимоячиси Остон Ўрунов ҳақида ўз фикрлари билан ўртоқлашди.
Бу ҳақида «sport-express.ru» сайти хабар бермоқда.
«Остон мавсум давомида жуда кўп марта жамоавий машғулотларда қатнашмади, чунки бизда кўплаб футболчилар бор. Аввало, мен жамоада ёш ва бошқа клублардан ижарадан қайтган футболчиларни кўришни хоҳлардим», - дейди Витория.
20 ёшли футболчининг «Спартак» билан шартномаси 2025 йилгача мўлжалланган. Ўтган мавсумда Остон «Уфа» сафида 10 учрашув (1 голли пас), москваликлар сафида эса 9 учрашув (1 гол) ўтказган.
