Ispaniyaning «Betis» klubi Daniele Rugani bilan shartnoma imzolashga yaqin turibdi.

«Yuventus» himoyachisi o‘tgan mavsumni ijara asosida Fransiyaning «Renn» klubida, keyin «Kalyari»da o‘tkazdi. U Turinga mavsumoldi yig‘inda qaytdi. Dannieleni jamoada kuchli raqobat kutmoqda.

Katta ehtimol bilan Rugani «Yuve»da qolmaydi, Italiya klubi futbolchini «Betis»ga sotishga tayyor.

Avvalroq futbolchiga «Lasio»dan qiziqish borligi haqida xabar berilgan edi, ammo Rim klubi keyinchalik sotib olish sharti bilan ijaraga olmoqchi edi. Bu esa Turin klubiga yoqmadi. «Betis» darhol Rugani bilan shartnoma imzolashga tayyor, shu sababli «Yuve» uchun Ispaniya klubi afzalroq tuyulmoqda.