Испаниянинг «Бетис» клуби Даниэле Ругани билан шартнома имзолашга яқин турибди.

«Ювентус» ҳимоячиси ўтган мавсумни ижара асосида Франциянинг «Ренн» клубида, кейин «Кальяри»да ўтказди. У Туринга мавсумолди йиғинда қайтди. Данниэлени жамоада кучли рақобат кутмоқда.

Катта эҳтимол билан Ругани «Юве»да қолмайди, Италия клуби футболчини «Бетис»га сотишга тайёр.

Аввалроқ футболчига «Лацио»дан қизиқиш борлиги ҳақида хабар берилган эди, аммо Рим клуби кейинчалик сотиб олиш шарти билан ижарага олмоқчи эди. Бу эса Турин клубига ёқмади. «Бетис» дарҳол Ругани билан шартнома имзолашга тайёр, шу сабабли «Юве» учун Испания клуби афзалроқ туюлмоқда.