«Ливерпуль» ва Англия терма жамоасининг собиқ ярим ҳимоячиси Стивен Жеррард Шимолий Америкада бўлиб ўтаётган Жаҳон чемпионати–2026 нинг энг яхши ёш футболчиси ким бўлишини тахмин қилди.
«Менимча, Ямал мундиалнинг энг яхши ёш футболчиси бўлади. Бу йигит ҳақида ҳали ҳамма гапиради», — дея инглиз афсонасининг сўзларидан иқтибос келтиради ижтимоий тармоқлар.
Испания терма жамоаси ЖЧ-2026 гуруҳ босқичида Уругвай, Кабо-Верде ва Саудия Арабистони жамоалари билан бир гуруҳдан жой олган. Луис де ла Фуэнте шогирдлари 1-турда Кабо-Верде футболчиларига қарши майдонга тушишади. Ушбу учрашув 15 июнь кунига режалаштирилган.
