UYEFA yangi liga ishtirokchilari uchun mukofot pullarini ma’lum qilgan. Unga ko‘ra, saralashdan muvvafaqiyatli o‘tib, guruh bosqichi ishtirokchisi bo‘lgan barcha klublar hisob raqami 2 mln 940 ming yevroga boyiydi (guruh bosqichiga chiqa olmaganlarga 260 ming yevro taqdim etiladi).

Jamoalar guruhdagi har bir g‘alaba uchun 500 ming yevro, durang uchun 166 ming yevro pulni qo‘lga kiritadi. Shuningdek, har bir guruh g‘olibi 650 ming, ikkinchi o‘rinni egallagan jamoalar 325 ming yevro oladi.

Pley-offga chiqish qo‘shimcha bonus degani. 1/32 final bosqichida 300 ming, 1/16 uchun 600 ming, chorak final qatnashchisi 1mln yevro, yarim finalga yetib borganlar 2 mln, finalda mag‘lub bo‘lgan 3 mln hamda chempion 5 mln yevro pul ishlab oladi. Belgilangan pullar miqdori mavsum yakunida translyasiyalar sotuviga qarab oshib borishi aytilgan.