Taniqli murabbiy Yuriy Semin Eldor Shomurodovning «Roma»ga o‘tishi haqida gapirdi.

Uning so‘zlariga ko‘ra endi hamma narsa o‘zbek futbolchisining o‘ziga bog‘liq. Agar Eldor yuz foiz o‘z kuchini maydonga tashlamasa, Joze Mourinyo darhol futbolchini zaxira o‘rindig‘iga qo‘yishi mumkin.

«Bu haqda eshitganimda, ochig‘i men hayron bo‘ldim. Bu ancha yoqimli xabar. Bu kabi holatlar shuni ko‘rsatadiki, futbolga haqiqiy professional munosabat bilan yondashgan inson hamma narsaga erishishi mumkin. Eldor futbolda mehnat bilan nimalar qila olish mumkinligini isbotladi.

Shomurodovning «Roma»ga o‘tishi o‘z navbatida RPL obro‘sini ham oshiradi - yaqinda u Karpin boshchiligida «Rostov»da o‘ynaganini hamma eslasa kerak.

Eldor mavsum boshida o‘ynay oladimi? — U o‘z ustida ishlashi shart - hali hammasi ajoyib bo‘ladi, aks holda Mourinyo uni zaxiraga qo‘yishi aniq. Yaxshi murabbiylar uchun boshqa yo‘l yo‘q. Eldorni tabriklayman va unga omad tilayman!» - deydi Semin.