«Arsenal» klubi «Bolonya»  markaziy himoyachisi Takexiro Tomiyasu uchun kurashga jiddiy bel bog‘ladi. «Tuttosport» nashri xabar berishicha, Yaponiya terma jamoasi a’zosi uchun «to‘pchilar» ham taklif berishga chog‘langan.

Iyul oyida himoyachi «Tottenxem» tomonidan jiddiy kuzatilayotgani haqida  xabarlar tarqalgan edi. Biroq bu kurashda «Arsenal» ashaddiy raqibidan o‘zib ketishni maqsad qilgan. Xabarda kanonirlar 22 yoshli futbolchi uchun 20 million yevro(17 mln funt/23 mln dollar) taklif qilishi mumkinligi aytilgan.

Ma’lumot uchun, Tomiyasu o‘tgan mavsumda Italiya A seriyasida 31 ta uchrashuv o‘tkazgan. Uning jamoasi bilan amaldagi shartnomasi 2024 yilgacha mo‘ljallangan.