Hujumchi Romelu Lukaku «Chelsi»ga o‘tishi haqida fikr bildirdi. Katta Rom o‘tgan hafta «Inter»ni tark etib, Tomas Tuxel jamoasi safiga qo‘shilgan edi.
Britaniya matbuoti «Chelsi» Lukaku uchun 115 million yevro to‘lagani haqida yozdi. U klub tarixidagi eng qimmat o‘yinchiga aylandi.
«Men jamoaga g‘alaba qozonishlariga yordam berishni xohlayman. Tabiiyki, jamoadoshlarim ham o‘zlarini qulay his qilishlarini istayman, shunda ular har qanday vaziyatda ham menga ishonishadi.
Biz Tomas Tuxel bilan juda samimiy suhbatlashdik, u meni jamoaning yetakchisi bo‘lishimni xohlaydi. Endi buning uchun bor mahoratimni ishga solishim kerak.
Menga «Chelsi»dagi tizim yoqadi, men har qanday vaziyatga ham moslashishga qodirman. Bu yerda shunchaki sheriklaringizning kuchli tomonlarini, to‘psiz qanday ishlashlarini bilishingiz kerak», - deya Lukakuning so‘zlarini keltiradi «Chelsi» matbuot xizmati.
