Ҳужумчи Ромелу Лукаку «Челси»га ўтиши ҳақида фикр билдирди. Катта Ром ўтган ҳафта «Интер»ни тарк этиб, Томас Тухель жамоаси сафига қўшилган эди.

Британия матбуоти «Челси» Лукаку учун 115 миллион евро тўлагани ҳақида ёзди. У клуб тарихидаги энг қиммат ўйинчига айланди.

«Мен жамоага ғалаба қозонишларига ёрдам беришни хоҳлайман. Табиийки, жамоадошларим ҳам ўзларини қулай ҳис қилишларини истайман, шунда улар ҳар қандай вазиятда ҳам менга ишонишади.

Биз Томас Тухель билан жуда самимий суҳбатлашдик, у мени жамоанинг етакчиси бўлишимни хоҳлайди. Энди бунинг учун бор маҳоратимни ишга солишим керак.

Менга «Челси»даги тизим ёқади, мен ҳар қандай вазиятга ҳам мослашишга қодирман. Бу ерда шунчаки шерикларингизнинг кучли томонларини, тўпсиз қандай ишлашларини билишингиз керак», - дея Лукакунинг сўзларини келтиради «Челси» матбуот хизмати.