Португалия терма жамоаси ҳужумчиси Криштиану Роналду Espejo Publico телекўрсатувининг ижтимоий тармоқдаги саҳифасида эълон қилинган баҳсли видеога лайк босди. Унда Аргентина терма жамоаси ва ФИФА кескин танқид қилинган.

Видеода испаниялик журналист Пилар Родригес Лосантос 17 июль куни эфир давомида Аргентина терма жамоаси ҳамда ФИФА ҳақида қуйидаги фикрларни билдирган:

«Бу жамоа тахминан бешта ўйин аввалоқ мусобақани тарк этиши керак эди. Улар ФИФА ёрдами билан кейинги босқичларга чиқди. ФИФА — ер юзидаги энг коррупциялашган ташкилотлардан бири. Менимча, биз Аргентинага эмас, балки бутун ФИФА тизимига қарши ўйнаймиз. Улар тўрт йил аввал бўлгани каби, бу сафар ҳам жаҳон чемпионлигини Мессига бермоқчи», — деди журналист.

Кўрсатувнинг яна бир иштирокчиси Рубен Амон эса ФИФАни «мафияга ўхшаш ва шармандали ташкилот» деб атади.

Қайд этиш жоиз, Роналду мазкур фикрларни ўзи билдирмаган. У фақат ушбу видеожойланган постга лайк босгани ижтимоий тармоқ фойдаланувчилари эътиборини тортди.

Эслатиб ўтамиз, 2026 йилги жаҳон чемпионати финалида Аргентина терма жамоаси қўшимча вақтда Испанияга 0:1 ҳисобида мағлуб бўлган эди.