Portugaliya terma jamoasi hujumchisi Krishtianu Ronaldu Espejo Publico teleko‘rsatuvining ijtimoiy tarmoqdagi sahifasida e’lon qilingan bahsli videoga layk bosdi. Unda Argentina terma jamoasi va FIFA keskin tanqid qilingan.
Videoda ispaniyalik jurnalist Pilar Rodriges Losantos 17 iyul kuni efir davomida Argentina terma jamoasi hamda FIFA haqida quyidagi fikrlarni bildirgan:
«Bu jamoa taxminan beshta o‘yin avvaloq musobaqani tark etishi kerak edi. Ular FIFA yordami bilan keyingi bosqichlarga chiqdi. FIFA — yer yuzidagi eng korrupsiyalashgan tashkilotlardan biri. Menimcha, biz Argentinaga emas, balki butun FIFA tizimiga qarshi o‘ynaymiz. Ular to‘rt yil avval bo‘lgani kabi, bu safar ham jahon chempionligini Messiga bermoqchi», — dedi jurnalist.
Ko‘rsatuvning yana bir ishtirokchisi Ruben Amon esa FIFAni «mafiyaga o‘xshash va sharmandali tashkilot» deb atadi.
Qayd etish joiz, Ronaldu mazkur fikrlarni o‘zi bildirmagan. U faqat ushbu videojoylangan postga layk bosgani ijtimoiy tarmoq foydalanuvchilari e’tiborini tortdi.
Eslatib o‘tamiz, 2026 yilgi jahon chempionati finalida Argentina terma jamoasi qo‘shimcha vaqtda Ispaniyaga 0:1 hisobida mag‘lub bo‘lgan edi.
