«MYU» klubining afsonaviy futbolchisi Rio Ferdinand klub bu yozda qaysi futbolchilar transferini amalga oshirish kerak ekanini aytdi. «Goal» nashri uning fikridan iqtibos keltiradi:
«O‘ylashimcha, mos futbolchilarni yaxshi narxlarda xarid qilish kerak edi. Sulsherda hali ham imkoniyat bor. Masalan, Saul Nigezni olsak. Ajoyib futbolchi, klub falsafasiga mos tushadi. Bir necha yil oldin u uchun 160 million funt so‘ralgan edi. Hozir esa 40 yoki 50 millionga ham olsa bo‘ladi. Unda YECHL tajribasi katta va klubni g‘alabaga boshlashi mumkin edi. Yana bir futbolchi bu Deklan Rays. Men uni katta muxlisiman. U jamoa tarkibiga katta foyda keltirgan bo‘lar edi. Raysning o‘yin uslubi juda ajoyib. Aynan mana shu aytgan o‘yinchilar klubga kattaroq foyda olib kelgan bo‘lardi».
