«МЮ» клубининг афсонавий футболчиси Рио Фердинанд клуб бу ёзда қайси футболчилар трансферини амалга ошириш керак эканини айтди. «Goal» нашри унинг фикридан иқтибос келтиради:

«Ўйлашимча, мос футболчиларни яхши нархларда харид қилиш керак эди. Сулшерда ҳали ҳам имконият бор. Масалан, Саул Нигезни олсак. Ажойиб футболчи, клуб фалсафасига мос тушади. Бир неча йил олдин у учун 160 миллион фунт сўралган эди. Ҳозир эса 40 ёки 50 миллионга ҳам олса бўлади. Унда ЕЧЛ тажрибаси катта ва клубни ғалабага бошлаши мумкин эди. Яна бир футболчи бу Деклан Райс. Мен уни катта мухлисиман. У жамоа таркибига катта фойда келтирган бўлар эди. Райснинг ўйин услуби жуда ажойиб. Айнан мана шу айтган ўйинчилар клубга каттароқ фойда олиб келган бўларди».