«Tottenxem» klubi hujumchisi Harri Keyn Londonda qolishini e’lon qilganidan keyin o‘zining ilk o‘yinini o‘tkazdi. U kuni kecha Yevropa konferensiyalar ligasi saralashida Portugaliyaning «Pakos» klubiga qarshi maydonda harakat qilib, gol urishga muvaffaq bo‘ldi.
Bu o‘yindagi harakatidan keyin Keyn yangi rekord o‘rnatishi mumkin. Ushbu o‘yin uning Yevrokuboklardagi 64 bahsi hisoblanadi. Bu esa Stiv Perrimanning bir klub safida 64 talik rekordiga yetib olganini anglatadi.
Keyingi bahs esa Keynni bu borada mutlaq rekordchiga aylantiradi. London klubi 3-0 hisobidagi g‘alabasi bilan konferensiyalar ligasining guruh bosqichiga yo‘l oldi.
