«Тоттенхем» клуби ҳужумчиси Ҳарри Кейн Лондонда қолишини эълон қилганидан кейин ўзининг илк ўйинини ўтказди. У куни кеча Европа конференциялар лигаси саралашида Португалиянинг «Пакос» клубига қарши майдонда ҳаракат қилиб, гол уришга муваффақ бўлди.
Бу ўйиндаги ҳаракатидан кейин Кейн янги рекорд ўрнатиши мумкин. Ушбу ўйин унинг Еврокубоклардаги 64 баҳси ҳисобланади. Бу эса Стив Перриманнинг бир клуб сафида 64 талик рекордига етиб олганини англатади.
Кейинги баҳс эса Кейнни бу борада мутлақ рекордчига айлантиради. Лондон клуби 3-0 ҳисобидаги ғалабаси билан конференциялар лигасининг гуруҳ босқичига йўл олди.
