Pro liga 17-turining markaziy uchrashuvi G‘ijduvonda «Buxoro» va «Dinamo» o‘rtasida kechdi.

Uchrashuvning 21-daqiqasida Behro‘z Shodmonov hisobni ochgan bo‘lsa, 71-daqiqaga kelib Shoxruh Abdurahmonov o‘zi ishlagan penaltini golga aylantirib hisobni tenglashtirdi – 1:1.

Goldan ruhlangan Samarqand jamoasi hujumkorlikni oshirgan bo‘lsa-da, aksariyat golli vaziyatlarda omad kulib boqmadi. Shunga qaramay, «Dinamo» 8 yillik an’anasini davom ettirib, Buxorodan ochko bilan qaytdi.

Bu esa Samarqand jamoasiga 25 ochko bilan 2-o‘rinda qolish imkonini berdi. Buxoroliklar esa 24 ochko bilan hozircha 3-o‘rinda qolishdi.

Qayd etish joiz, ushbu durang «Dinamo»ning Pro liga mavsumidagi dastlabki durangiga aylandi.

Pro liga. 17-tur
5 sentyabr, yakshanba
«BUXORO» – «DINAMO» – 1:1
Hakam: Vadim Agishev (Toshkent)
Gollar: Bexruz Shodmonov 21 – Shoxruh Abdurahmonov 71, pen.
«Buxoro»: Sardor Qobuljonov, Mirjalol Jumayev, Anvar Jo‘rayev, Davron Isoqov, Shavkat Salomov, San’at Shixov, Amirjon Safarov (Alisher Sanoyev, 60), Rustam Abduhamidov, Behruz Shodmonov (Suhrob Ne’matov, 75), Sardor Izzatov, Marko Milich.
«Dinamo»: Farhod Rahmatov, Dmitro Sidorenko, Obid Jo‘raboyev, Komil Sharofutdinov (Islom Sharipov, 46), G‘olib Sariboyev, Humoyun Sherbo‘tayev, Oleg Marchuk (Siroj Meliyev, 85), Shoxruh Abdurahmonov, Sardor Eminov, Temurbek Ismoilov (Shokir Yo‘ldoshev, 62), Ro‘zimboy Ahmedov (Timur Usmonov, 62)