Hujumchi Krishtianu Ronaldu «Manchester Yunayted»ga qaytganidan so‘ng o‘z his-tuyg‘ulari bilan o‘rtoqlashdi.
«Men bu yerga dam olish uchun kelmaganman. Avvalroq bu klubda men uchun hamma narsa yaxshi edi, biz muntazam sovrinlar yutdik. Men bu futbolkada ko‘p yillar o‘ynadim. Ammo hozir men yana g‘alaba qozonish uchun keldim. Men o‘yinga tayyorman va o‘ylaymanki, yaqin 3-4 yilda asosiy o‘yinchi bo‘laman», – deya Ronalduning so‘zlarini keltiradi «qizil iblislar» matbuot xizmati.