Ispaniya chempionatining beshinchi turida «Atletik Bilbao»ga qarshi o‘yinda qizil kartochka olgan «Atletiko» klubi futbolchisi Joau Felish 12 uchrashuvga diskvalifikasiya qilinishi mumkin.
Felish ikkinchi bo‘limda bir daqiqada ikkita sariq kartochka olib maydondan chetlatildi.
Manbaning ta’kidlashicha, hujumchi sportga to‘g‘ri kelmaydigan harakatlari uchun ikkinchi ogohlantirishni olgan. Portugaliyalik futbolchi o‘yin hakami Xesus Xil Manzanoga o‘zchaga imo-ishora ko‘rsatgan. Shuningdek, Felish bir necha bor hakamni xaqorat qilgan.
Agar futbolchining xatti-harakatlari hakamga hurmatsizlik sifatida baholansa, Felish ikki yoki uch o‘yinga diskvalifikasiya qilinadi. Ammo Felishning harakatlari haqoratomuz deb topilsa, diskvalifikasiya muddati to‘rt bahsdan 12 tagacha cho‘zilishi mumkin.
