Ayollar o‘rtasida Osiyo kubogi saralash bosqichidan o‘rin olgan O‘zbekiston va Mo‘g‘uliston milliy jamoalari o‘rtasidagi uchrashuv yakuniga yetdi.

Bahrom Norsafarov shogirdlari raqib darvozasini birinchi taymda 5 marta, ikkinchi bo‘limda esa 7 marta — jami 12 marta ishg‘ol qilishdi. Diyoraxon Habubillayeva va Mahliyoxon Sarikova xet-trik qayd etishdi.

Guruhdagi boshqa raqibimiz Janubiy Koreya ham mo‘g‘ullarni 12:0 hisobida mag‘lub etgandi. Agar qizlarimiz bugun yana bitta gol ura olishganida so‘nggi turda Koreyaga qarshi bo‘ladigan bahsda bizni durang ham qanoatlantirar edi. Boisi, Osiyo kubogi final bosqichiga guruhdan faqat bitta jamoa yo‘llanmani qo‘lga kiritadi.

Shuning uchun 23 sentyabr kuni bo‘lib o‘tadigan O‘zbekiston - Janubiy Koreya bahsida g‘olib chiqqan jamoa keyingi yili Hindistonda o‘tadigan Osiyo kubogida ishtirok etish huquqiga ega bo‘ladi. Mazkur o‘yinda durang qayd etilsa, penaltilar seriyasi orqali g‘olib nomi aniqlanadi (qo‘shimcha bo‘limlar belgilanmaydi).


Ayollar o‘rtasida Osiyo kubogi. Saralash bosqichi
O‘zbekiston - Mo‘g‘uliston
Gollar: Lyudmila Karachik 15ʼ, Diyoraxon Habibullayeva 20ʼ, 22ʼ, 52, Nilufar Qudratova 27ʼ, 60ʼ, Altuntuya Altansux 31ʼ (avtogol), Mahliyoxon Sarikova 47ʼ, 63ʼ, 83ʼ, Saida Galimova 72ʼ, Maftuna Shoyimova 74ʼ,