UEFA Superliga g‘oyasi ishtirokchilariga nisbatan ishni yopish doirasida loyihadan chiqqan klublarga belgilangan jarima pullaridan ham voz kechdi.

Avvalroq tashkilot «Arsenal», «Milan», «Chelsi», «Atletiko», «Inter», «Liverpul», «Manchester Siti», «Manchester Yunayted» va «Tottenxem»ni 15 mln yevro hamda UEFA musobaqalaridagi ishtirokdan topgan daromadlarining 5 foizi miqdorida jarimaga tortgandi.

UEFA tarqatgan bayonotda aytilishicha, sud qaroridan so‘ng tashkilot ortiqcha qiyinchiliklarni yuzaga keltirishni istamaydi, ammo may oyidagi barcha kelishuvga amal qilishda davom etadi.

Eslatib o‘tamiz, UEFA Superliga asoschilari — «Barselona», «Real» va «Yuventus»ga nisbatan ochilgan intizomiy ishni yopishga qaror qilgani haqida xabar berib o‘tgandik.