УЕФА Суперлига ғояси иштирокчиларига нисбатан ишни ёпиш доирасида лойиҳадан чиққан клубларга белгиланган жарима пулларидан ҳам воз кечди.

Аввалроқ ташкилот «Арсенал», «Милан», «Челси», «Атлетико», «Интер», «Ливерпуль», «Манчестер Сити», «Манчестер Юнайтед» ва «Тоттенхэм»ни 15 млн евро ҳамда УЕФА мусобақаларидаги иштирокдан топган даромадларининг 5 фоизи миқдорида жаримага тортганди.

УЕФА тарқатган баёнотда айтилишича, суд қароридан сўнг ташкилот ортиқча қийинчиликларни юзага келтиришни истамайди, аммо май ойидаги барча келишувга амал қилишда давом этади.

Эслатиб ўтамиз, УЕФА Суперлига асосчилари — «Барселона», «Реал» ва «Ювентус»га нисбатан очилган интизомий ишни ёпишга қарор қилгани ҳақида хабар бериб ўтгандик.