«Atletiko» bosh murabbiyi Diyego Simeone «Barselona» ustidan qozonilgan g‘alabadan so‘ng (2:0) uchrashuv to‘g‘risida fikr bildirdi.

 «Biz yaxshi o‘yin o‘tkazdik. Hujumlarni tashkil etish, himoyadan chiqib ketishda ajoyib harakatlarni amalga oshirdik. Raqib to‘pni yaxshi nazorat qildi, lekin bu bizga o‘zimiz xohlagan o‘yinni ko‘rsatishimizga xalaqit bermadi. Ikkala taym ham deyarli bir xil o‘tdi. Raqib to‘pni yaxshi nazorat qilishga harakat qildi, biz esa qarshi hujumlar uyushtirdik. Biz Messisiz «Barselona»ga qarshi ilk bor maydonga tushdik. Ular oldingidek to‘pni o‘zlarida ushlab turishibdi, ammo Messi o‘ziga xos futbolchi edi», — deydi argentinalik mutaxassis.

Eslatib o‘tamiz, «Atletiko» g‘alabadan so‘ng ochkolarini 17 taga yetkazib, hamshaharlari bo‘lgan «Real»ga tenglashib oldi.