«Liverpul» Polshaning «Pogon» klubi yarimhimoyachisi Kasper Kozlovski bilan shartnoma imzolash niyatida. Bu haqda Britaniya matbuoti xabar bermoqda.
Polshada futbolchini allaqachon «yangi De Bryuyne» deb atashadi. Transfermarkt 17 yoshli Kozlovskini 5 million yevroga baholamoqda.
Iqtidorli futbolchi 2019 yildan beri, «Pogon»da to‘p tepadi va shu paytgacha mazkur klub safida 24 bahsda maydonga tushib, 1 golni o‘z hisobiga yozdirib qo‘ygan.
Eslatib o‘tamiz, bugun «Liverpul»ni «Manchester Siti»ga qarshi o‘ta muhim uchrashuv kutib turibdi. Premyer liganing 7-tur doirasidagi uchrashuv Toshkent vaqti bilan 20:30da boshlanadi.
