«Lasio» bosh murabbiyi Maurisio Sarri jamoaning yuzagan kelgan taqvimidan noroziligini bildirdi.
«Biz ikki hafta davomida kam sonli futbolchilar bilan ishladik. Jamoaning holatini baholash qiyin.
Afsuski, zamonaviy futbol shunday. Balki menga shunday tuyulayotgandir, chunki men shunchaki murabbiyman.
Biroq o‘tgan 19 kunda 7 ta o‘yin o‘tkazdik. Futbolchilar «Lasio»dan ko‘ra ko‘proq terma jamoalar uchun mashg‘ulot o‘tkazishmoqda.
Bizda uchrashuvlar oldidan 4-5 kun davomida mashg‘ulot o‘tkazish uchun imkoniyati mavjud emas. Bu endi futbol emas, balki iloji boricha ko‘proq pul ishlashga urinayotgan shou.
Men keksa odamman va umuman boshqa futbolga o‘rganib qolganman», - deydi Sarri.
Bugun «Lasio» A Seriyaning 8-turida «Inter» bilan o‘ynaydi. O‘yin Toshkent vaqti bilan 19:00da boshlanadi.