"Shaxtyor" bosh murabbiyi Roberto De Zerbi Chempionlar ligasi guruh bosqichining 3-turidan o‘rin olgan "Real"ga qarshi o‘yin (0:5) haqida fikr bildirdi.

"Bu mening faoliyatimdagi eng yomon mag‘lubiyat emas. Bunday o‘yinlar har bir murabbiyda bo‘ladi. Biz birinchi bo‘limda yaxshi o‘ynadik, mardonavor harakat qildik, to‘pni yaxshi nazorat qildik. To‘p o‘tkazib yuborilganiga qaramay, o‘zimizni yo‘qotmadik. Ammo ikkinchi bo‘lim boshida Vinisius tezkor gol urdi va vazifamizni juda qiyinlashtirdi. Odatda xato qilmaydigan vaziyatlarda xatolarga yo‘l qo‘ydik. O‘yin davomida menga yoqmagan narsa shundaki, ba’zi futbolchilarimiz ikkinchi golni o‘tkazganlaridan so‘ng taslim bo‘lishgani. 0:2, boshqa - 0:5 hisobida yutqazish boshqa. Bu unchalik yaxshi emas, ayniqsa yaxshi tayyorlanangan jamoa uchun. Men boshqa bunday mag‘lubiyatlarni boshdan kechirishni xohlamagan bo‘lardim", - dedi murabbiy UEFA rasmiy saytiga bergan intervyusida.