Yana bir ozdan so‘ng OFK Kubogining yarim finalidan o‘rin olgan "Nasaf" - "Li Man" uchrashuvi boshlanadi. Ungacha esa, yurtimiz sharafini qilayotgan "ajdarlar"ning xalqaro maydondagi ko‘rsatkichlari bilan tanishtirib o‘tamiz.
O‘zbekiston 1994 yil OFKga a’zo bo‘lgach, qit’a miqyosida o‘tkazilgan barcha musobaqalarda ishtirok eta boshladi. O‘tgan davr mobaynida o‘zbek klublari OFKning klublar o‘rtasida o‘tkazilgan 4ta yirik turnirida qatnashgan. Mamlakatimiz sharafini mazkur turnirlarda himoya etgan jamoalar soni 11tani tashkil etadi.
Qarshining “Nasaf” jamoasi mazkur turnirlardan uchtasida ishtirok etishga erishgan. 2011 yil OFK kubogi g‘olibligini qo‘lga kiritib, tarix zarvaraqlarida yangi sahifa ochgani barchamizni quvontirgan edi.
Ko‘rib turganingizdek, “Nasaf”ning xalqaro musobaqalardagi uchrashuvlari 61taga yetgan. 31 g‘alaba, 11 durang, 19 mag‘lubiyat, to‘plar nisbati 111-70.
Qarshiliklarning xalqaro maydondagi yubiley 100 goli muallifi Sherzod Nasrullayev bo‘ldi. U joriy yilning 17 may kuni “Xo‘jand” jamoasi yirik hisobda mag‘lub etilgan uchrashuvda yubiley golni kiritgan.
