Tez orada «Barselona»ni boshqarishi mumkin bo‘lgan ispaniyalik sobiq futbolchi Xavi Kataloniya klubi rahbariyatiga o‘z jamoasi tarkibida ko‘rmoqchi bo‘lgan futbolchilar haqida gapirib berdi. Bu haqda El Nacional nashri xabar berdi.

Manba bergan xabarga ko‘ra, mutaxassis «Borussiya Dortmund» hujumchisi Erling Xoland, «Manchester Yunayted» a’zosi Pol Pogba va «Leypsig» yetkchisi Dani Olmoni klubda ko‘rmoqchi. Pogba va Holand bo‘yicha takliflarni agent Mino Rayola ko‘rib chiqadi. Manbada aytilishicha, agent ispan klubi prezidenti Joan Laporta bilan yaxshi munosabatda. Bu muzokaralar jarayoniga ijobiy ta’sir ko‘rsatishi mumkin.

Holand - Xavi va Laportaning asosiy maqsadi. Kelasi yozda norvegiyalik hujumchi 75 million yevroga sotib olinishi mumkin.