«Milan», «Fiorentina» va «Atletiko Madrid» Argentina chempionatining eng yaxshi to‘purari, «River Pleyt» hujumchisi Julian Alvares uchun kurashadi, deb yozdi Nikolo Skira.

Forvard joriy mavsum Argentina chempionatida 15 ta gol urdi. Futbolchining shartnomasi 2022 yilning dekabrida yakuniga yetadi. Shartnomada futbolchi uchun 25 million yevro miqdorida tovon puli to‘lashga ruxsat beruvchi band bor. Ma’lum qilinishicha, «River Pleyt» Alvaresni 20 million yevroga sotish bo‘yicha muzokaralarni boshlab yuborgan.

Transfermarket portali futbolchini 20 million yevroga baholamoqda.

Umumiy hisobda futbolchi joriy mavsumda maydonda 39 o‘yin o‘tkazib, 15ta gol va 13ta golga assistentlik qilgan. Shuningdek, futbolchi terma jamoa safida debyut qilgan.

Birinchi o‘yin 2021 yil 4 iyun kuni JCH-2022 saralash bosqichi doirasida Chili terma jamoasiga qarshi o‘tkazilgan edi. Alvares 63-daqiqada maydonga tushdi, ammo samarali harakatlari bilan gol ura olmadi.